وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معنا

[فاطمة سعد]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

يسر الله لنا ولكم كل عسير بانتظاركم بعون الله

[Dr.hala]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

جزاكم الله خيراً
علي متابعتكم التي أحيت المسلسل
وعلي محاولاتكم للوصول لصاحب شدّ السيجارة

وهيا بنا لنعرف من هو من خلال الحلقة الخامسة بإذن الله

دقائق من الآن

ونلتقي بعد الحلقة لنعرف من الفائز\ة

ابقوا معنا
.
.

ولا تنسونا من صالح دعواتكم

أخييييييييييييرا


منتظريييين اختى بارك الله فيكِ

[راجية رضى الرحمن]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

اللهم بارك
بارك الله فيكم وجزاكم الله خيرا
ولا ننسى إخواتاه أن الدال على الخير كفاعله
فياحبذا لو يقوم فريق النشر بموقعنا المتميز بنشر هذا العمل
لعل الله أن يهدي به

[فاطمة سعد]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

اللهم بارك
بارك الله فيكم وجزاكم الله خيرا
ولا ننسى إخواتاه أن الدال على الخير كفاعله
فياحبذا لو يقوم فريق النشر بموقعنا المتميز بنشر هذا العمل
لعل الله أن يهدي به

فكرة رائعه اختاه

[ahmadof]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

احنا جاهزين ننشر.. بس يمكن بعد رمضان.. لأن نشر المواضيع الرمضانية الآن أهم والله أعلم..

هو القرار مش بايدي.. بس ان شاء الله ننشرها

[جوا الجووون يا شباب مصــر]

الحلقة الخامسة

مرحبا بكم مع





و
(( الحلقة الخامسة ))

كنا توقفنا عند الشخص اللي بيشد السيجارة من فم عمر
يا تري ميـــن اللي حيركوا ؟؟

هو
هو
هو

(( أحمد المكشر ))

بس المرة دي مكنش مكشّر خالص
كان مبتسم جدااا
ويبصله عمر ويتصدم : إيه دا ؟ انت ؟ وبتعرف تضحك زينا كمان ؟ وبتبتسم وبتهزر وكدة .؟
أحمد يضحك : هههههههه هو انت كنت فاكرني من كوكب المكشرين ولا إيه ؟
عمر : والله ؟ دا انت بتهزر أهو وبتضحك يا حلاوة يا ولاد !!!! إيه الثورة ضحكتك ولا إيه ؟؟؟
أحمد : هههههههههه خلاص بقي يا عم عمر هتفطسني من الضحك رغم الظروف اللي احنا فيها دي , ما علينا شيل بس السيجارة دي يا عمر احنا نعتبر دلوقت بنجاهد في سبيل الله وفي سبيل الوطن مينفعش نجاهد بسيجارة ولا إيه رأيك يا عمنا ؟
_عمر بيبص لأحمد بصات عجيبة ومش مصدق إن دا أحمد اللي كان بيقرف منه أول ما يشوفه وبيبصله بصات من فوق لتحت _
عمر : ماشي يا عم أهي السيجارة شلناها , بس قولي بقي إيه اللي خلاك تيجي تكلمني ؟
أحمد : عادي يعني جاري شوفته وحبيت أسلم عليه فيها حاجة دي !؟
عمر : يا رااااجل جارك !؟ منا بقالي 5 سنين جارك وكل أما تشوفني كأنك شفت عفريت او صندوق زبالة تقرف منه وتمشي .
أحمد : ههههههههه يا بني إيه الألفاظ دي هههههههه , بص يا عمر هو يمكن أنا كنت كدة فعلا بس مكنتش بقرف منك والله لالا دا انتوا أحسن جيران نحسبكم علي خير , أنا بس كنت غلطان في بعض اعتقاداتي ربنا يسامحني بقي وياريت انت كمان تسامحني .
عمر : يا عم المسامح كريم أنا بس كنت بستغرب منك أوي وعايز الصراحة انت كرهتني في أي حد مربي دقنه وبجلبيات لدرجة إني كنت هكره زوج أختي اللي انت شوفته دا بسببك ههههههههه.
أحمد : هههههه يا نهارك أبيض حرام عليك طب أنا كنت غلطان باقي الناس ذنبها إيه ؟ المفروض إننا منعممش عشان منظلمش حد ولا إيه يا مان على رأي صحابك !!
عمر : ههههههههه تمام يا كبير تحب تبقي واحد من الشلة يا برنس ؟
أحمد : يا سلام هو أنا أطول أبقى من عصابة عمر أفندي ههههههه
عمر :عصابة ههههه انت بتقول فيها دا أنا الزعيم بس للأسف مشوفتش الشلة من ساعة الثورة الفقر دي .
أحمد : فقر ليه يا عمر بس ؟ .
عمر : أديك شايف البهدلة اللي احنا فيها أهو
أحمد : يا عم كفاية إننا اتصاحبنا على بعض , ربنا يجعلها فتح علينا وعلى مصر كلها يارب
عمر : يارب , عندك حق

وهم واقفين :

يسمعوا صوت صراخ صراخ
من أحد المنازل المجاورة
يتجهوا بسرعة ناحية الصوت
يلاقوا سيدة نازلة من بيتها
بتصرخ
والدتها مريضة جداا وزاد عليها التعب
والمفروض إن الساعة الآن 2 بالليل
يعني معاد حظر التجول
وطبعا مفيش مواصلات
ولا في أي دكاترة
ولا مستشفيات
والسيدة دي " نصرانية "
تنزل تستغيث بالشجعان اللي واقفين
وطبعا كلهم مسلمين
فالمهم
يقولولها في ايه ؟
السيدة وهي منهارة : والدتي مريضة جدااااااااااااا أعمل ايه ؟؟؟؟؟؟؟؟؟

احنا عندنا مين دكتور ؟
هشام
يطلع بسرعة يجيب أدواته
ويحدث الحوار الآتي :
هشام : انا طبيب ما الأمر ؟؟
السيدة : والدتي مريضة بالسكر وتعرضت لهبوط سكر حاد , دخلت في غيوبة .
هشام : طيب متقلقيش إن شاء الله خير , فين البيت ؟

السيدة : اتفضل
ويكشف على المريضة
ويقوم بعمل الإسعافات الأولية اللازمة .
وتتحسن بالفعل
وتبدأ تفوق من الغيبوبة
والابنة في غاية السعادة لشفاء والدتها
_كانت بتحسبها توفت _
وتفوق المريضة
وترى هشام وهو بسمته الإسلامي
_ ملتحي ووجهه السِمح _
فتفاجأ .
ويقولها هشام : حمد الله على سلامتك , خضتينا عليكِ .
المريضة بتنظر لابنتها ومش عارفة في إيه ؟؟
فهشام يستأذن
ثم ينزل محترماً دون أي مقابل
وتناديه الابنة بسرعة : تفضل بالأجرة تفضللللللللل يا دكتووووور أو أي شيء .
ويرد عليها من ع السلم :
ربنا يشفي الوالدة بالسلامة , ولم يأخذ أي شيء .

نعم هذه أخلاق الإسلام والمسلمين

واليوم 1 فبراير
:
المظاهرات المليونية
:
وإليكم تفاصيل الأخبار عبر تليفزيونا الشيك

مشاهد التليفزيون ترعب
والمسلمين واقفين بيضربوا في بعض ما بين مؤيدي ومعارضي مبارك
والناس كلها مرعوووووووووووبة على مستقبل مصر
ويدور في أذهان بعض الناس :
مصر هتبقي زي العراق
هتتحول لحروب أهلية
وخلاص ضعنا كلنا
جهاز الشرطة اتخلى عن الحماية الداخلية لمصر
والجيش اللي المفروض يبقي واقف ع الحدود يحمي مصر دخل يحميها داخليا وترك الحدود
يعني أمريكا واسرائيل والأعداء كلهم هيدخلوا مصر خلاص ويحتلوها
الله يخرب بيت الثورة على اللي عملها
الثورة اللي ضيعت مصر
والشعب يريد إبقاء النظام


ويدور في أذهان البعض الآخر :
الثورة دي خير لمصر
دي دفاع عن حقنا المهدور في كل حاجة
دي مطالبة برفع الظلم والطغيان والسرقة والنهب عن الشعب الغلبان
دي مظاهرة سلمية لن نخرج فيها ع الحاكم دي مجرد مطالب ونداء برفع الظلم .
والشعب يريد إسقاط النظام




والبعض الآخر متذبذب تارة ما بين هؤلاء وتارة ما بين هؤلاء
وهذا كان حال أغلب المواطنين
محتارين
يشجعوا الثورة وينزلوا معاها !
ولا يقعدوا في بيتهم يحموا البلد من تبعات الثورة السيئة !
يفكروا في حال البلد وانحدارها والظلم اللي ماليها للفقراء والملتزمين فيشجعوا الثورة
ويفكروا في حالة الغوغاء والانفلات الأمني والبلطجة والسرقة وعدم الامن اللي حصل بسببها يخافوا من تشجيعها .



فلا يملكون إلا الدعاااااااااااااااااااااااااااااااء للموْلي عز وجل أن يقدّر لهم وللبلد الخيـــــــــر



والناس نفسها تسمع كلمة الدين في اللي بيحصل
نفسها حد يطمئن قلوبها
يلاقوا الشيخ محمد حسان يتكلم على القناة الأولي
مكالمة مطمئنة .


وهو نفسه الشيخ حسان يسجل مقطع ويظهر على التليفزيون يقول فيه ما يجب علينا فعله



نرجع لأبطال مسلسلنا
هم الآن كلهم في بيت عمر مش عند زينب
عشان ماما نسيت حقنة الأنسولين في البيت فاضطروا كلهم يروحوا بيت عمر .



فهشام يسمع بكل الأخبار اللي حصلت دي
والقتلى والجرحى والمصابين والنداءات والاستغاثات للأطباء
فيقرر إنه يروح ميدان التحرير بدافع مهنته كطبيب

ويبدأ الحوار الآتي :
هشام : زيزي حبي طبعا انتي عارفة إن أنا دكتور ومش بستحمل ألاقي حد مريض أو تعبان قدامي وأنا معملش واجبي معاه صح ؟
زينب _ طبعا بتفهم زوجها من قبل ميتكلم _ : طبعا عارفة انت هتقولي ؟! من الآخرررررررررررر يا أستاذ هشام عايز تقول إيه ؟؟؟؟
هشام : أستاذ ؟! بقى أنا بقولك يا حبي وانتي تقوليلي أستاذ يا أبلة ؟!
زينب : هشااااااااااااااااام هات من الآخر ما انت مش حاسس بيا ولا بالنار اللي جوايا وهاااااااااااااات يا عياط .
هشام : في إيه بس يا حبي هو أنا قلت حاجة ؟ أستغفر الله العظيم اهدي بس وصلي علي النبي كدة .
ماما تدخل في الحوار : إيه يا هشام في إيه زينب مالها ؟
هشام : مش عارف يا أمي زينب مش مستحملة كلمة مني ,
_ ويعمل نفسه زعل ودخل جوا
وهو طبعا فاهم إنها فاهمة وعشان كدة بتعيط ,
أزواج بقي وفاهمين بعض _



دخل يشوف عمر بيعمل إيه ؟؟!
قاعد ع النت بيشوف الدنيا فيها إيه

ويدور الحوار الآتي :
هشام : إيه الأخبار يا ابني في أي جديد لاقيته ؟
عمر : نفس الأخبار الفقر , ولكن كل أصحابي محدش داخل خالص نفسي أطمن عليهم أوي .
هشام : متكلمهم ع الموبايل .
عمر : محدش بيرد خالص , هم أصلا في الميدان دلوقت , أنا نفسي أروح أوي يا هشام .
هشام : أنا هروح إن شاء الله , ومجرد بس إني فكرت في كدة شوف أختك برا عاملة ازاي !
عمر : وماما كمان لما تعرف إني هروح , بس مليش دعوة أنا مش طايق نفسي وإن شاء الله احنا مبقناش في خطر من البلطجية زي الأول يعني ممكن نسيبهم ونروح .
هشام : آه الجيش الحمد لله انتشر في معظم المناطق , والجيران هنا عندكوا كويسين .
عمر : بجد يعني انت هتروح يا هشام ومش هتخاف ؟
هشام : بص يا عمر , العمر واحد والرب واحد وأنا مهنتي تحتم عليا إني أروح أداوي الجرحى اللي هناك , وإنت يا بطل برده لازم تيجي معايا لإن بإذن الله الثورة دي أنا متوقع إن هيكون لها شأن عظيم فليه متشاركش فيها !؟
عمر :المشكلة دلوقت ف ماما وزينب .
هشام : ربنا يسهل , تعالى أنا هتصرف .


هشام يتكلم بهدوء جدااا مع ماما وزينب : أنا دلوقت طبيب وواجبي إني أدواي الجرحى , وأنا طبعا دلوقت قافل العيادة بتاعتي ومفيش شغل , ولكن الجرحى موجودين بالفعل بالآلاف في ميدان التحرير فليه مروحش أنقذهم ؟؟؟؟؟؟
الأم : يا هشام عايز تروح عشان تموت زي اللي ماتوا ؟
هشام : يا أمي الحبيبة مش إنتي مؤمنة بإن العمر واحد والرب واحد وكله بتقدير الله سبحانه ؟؟
الأم : ونعم بالله طبعا بس ربنا برده بيقولنا " وَلا تُلقُوا بِأيْدِيكُم إِلَى التَّهلُكَة " ولا إيه رأيك ؟
هشام : لا دي مش تهلكة يا أمي دا إنقاذ مرضى وجرحى من الموت وبصي وشوفي الاستغاثات قد إيه للأطباء ؟ وأنا يا أمي هتسأل عن اليوم دا لو مروحتش ولبّيت الطلب , بالله عليكوا متصعبوش عليا الأمر اطمنوا ربنا هينصرنا بإذن الله هروح أنا وعمر نقضي الواجب وهنرجعلكوا بإذن الله ثقوا في الله .
زينب : طيب هتروحوا وتقعدوا أد إيه ؟
هشام : ادعي ربنا يسهلها ويرفع الغمة عنا عاجلا غير آجلا .
زينب : يااااااااااارب , خلاص يا هشام أنا موافقة أنا عارفة إنك لما بتحط حاجة في دماغك يبقى خلاص , يلا ربنا معاكوا وابقوا طمونونا بالموبايل علطول وعينيها مغرغرة بالدموع .
الأم : زينب بتقولي إيه ؟؟؟؟؟؟؟؟؟؟؟؟؟؟ لا أنا مش موافقة طيب هشام رايح يطبب الجرحى , أستاذ عمر دا رايح ليه ؟؟
عمر : إيه يا ماما هو انتي فاكراني عيل صغير مليش أي لازمة في الدنيا دي ؟
ماما : يوووووووووووه أنا مش هخلص منكوا يلا مع السلامة بس أنا زعلانة منكوا أوووووووي ومش راضية عن اللي بتعمله دا يا عمر يلا مع السلامة .

يروح عمر بسرعة يبوس راس ماما: متزعليش يا ست الكل مش إنتي نفسك إني اتغير وابقي راجل تعتمدي عليه ! سيبيني أخوض التجربة دي عشان خاطري يا أمي وانتي راضية عني بالله عليكي يا أمي ارضي عني عشان ممشيش وانتي مش راضية عني يا غالية الغاليين .
ماما: عياااااااااااااط , روح يا عمر يا قلب أمك ونور عينيها , ربنا يجيبكوا بالسلامة سالمين غانمين منصورين .
وهشام يبوس راس زينب ومعاذ وماما ويقولها : ايوة كدة يا ست الحبايب هم الدعوتين المباركين دول أهم شيء يلا في رعاية الله ولو احتاجتوا أي حاجة أنا وعمر وصّينا الجيران عليكوا متقلقوش بإذن الله .



وينزلوا بسرعة عشان وقت الوداع ميطولش
بعد اما حضروا الأدوات وبعض الأطعمة

يلاقوا مين نازل على السلم ؟

ونازل لنفس الهدف ؟؟؟؟؟؟

هو أحمد مفيش غيره



عمر : انت كمان يا برنس قشطة جدا ربنا يوفقناااااااااااا .
ع البركة
ويوصلوا الميدان بعد عناااااااااااااااااء طبعا لأن الطرق كلها مقفولة
وتفتيش بقى

ونحن الآن في ميدان التحرير

الشوارع كلها دم
والميدان مبقاش الميدان
والأعداد مهولة
والمناظر مختلفة عن التليفزيون
عمر مش مصدق
إحساااااااااااااس غريب
خوف
مع رعب
مع رهبة
مع أسى من المناظر اللي أول مرة يشوفها
مع إحساس بالرجولة والبطولة عكس ما كان قاعد في البيت




هشام يجري على الجرحى والمصابين أعداد بالمئات
وعمر بيساعده ويمسك معاه المرضى اللي الدم مالي وشهم وجسمهم
ويشعر بسعادة وفرحة غير عادية لما المريض يتحسن على إيديهم
ويخلصوا واحد يلاقوا وراه عشرات ومئات
إحساس رااااااااقي جداااا لما ربنا يجعلك سبب في إنقاذ جرحى من الموت
وعمر عمال يتأمل في مناظر الناس الموجوده في الميدان
أشكال وألوان
يلاقي مجموعة متجمعة يروح يشوف بيعملوا إيه
يلاقي شيخ بيدعي والناس بتأمن وراه ومتأثرين جدااااااااا


كلمة الشيخ عبد المقصود من الميدان
http://www.way2allah.com/modules.php...les&khid=37605


ما شاء الله يسأل واحد يقوله : مين الشيخ دا ؟
يقوله دا الشيخ عبد المقصود بيجي على قناة الرحمة .
عمر : آه قناة الرحمة بتاعة الناس اللي مربية دقن ؟
الشخص ابتسم كدة وقال : آه هي دي بس الموضوع مش دقن الموضوع هو الفكر الصحيح للدين والقناة دي وشيوخها أحسبهم كذلك , ويلا أمّن معانا بقى على الدعاء .
عمر يزداد حبا شيئا فشيئا للسلفيين :آآآآآآآآآمين .



ويمشي شوية يلاقي الشباب شايلين على أكتافهم شيخ
عمر يبص للشيخ دا
يلاقي وشه كله نوووووور ما شاء الله
والناس كتير أوي ماشية وراه وشايفه بيهتف ويهز دراعه بكل حماس
وهو ينادي بأعلى صوته ويقول ويستحلف الجيش بالله أن لا يمس المتظاهرين بسوء
وأنهم أبنائكم لا تضربوا أبنائكم ولا ترفعوا عليهم السلاح بالله عليكم يا قواتنا المسلحة .





يسأل: مين الشيخ الحنين الجميل دا ؟
يردوا عليه : نععععععععععم ! ازاي متعرفهوش ؟ دا الشيخ محمد حسان
عمر : آه آه عارفه دا اللي طمن أمي لما سمعته ربنا يكرمه ويطمنه .
[FLV]http://www.archive.org/download/doaa...amad7assan.flv[/FLV]


ويسيبهم ويشوف هشام أخباره إيه ,
يلاقيه محتاس مع الجرحى ويساعده على قد ما يقدر



ويجي وقت الأكل
والتعاون ما بين الناس رائع
وخوفهم على بعض وإيثارهم لبعض
وأحمد عرّف عمر على الشلة أصحابه السلفيين
وعمر يلاحظ تصرفاتهم ويلاقيهم في منتهي الاحترام والحب والصدق والتعاون والخوف على بعض والحنان والروح الحلوة , مش زي ما كان فاكر خالص
_ الصورة اتعدلت الحمد لله _

وعمر يكلم نفسه :
هو أنا جاي هنا ليه ؟
هل أنا فعلا كويس وبحب مصر زي الناس دي ؟ ولا جيت كدة وخلاص
أنا مستغرب أوي من حالي
- بقيت أحب مصر
- بقيت أحب الناس الملتزمة
- مبقتش أشرب سجاير
- مبتقش أفكر في نانسي والبنات
-وبعدت عن الشلة بتاعتي
بس هم وحشوني أوووووووووي يارب ألاقيهم قريب
يارب ألاقيك يا طروقة انت فين بس وقافل موبايلك ليه ؟؟




بعض الأخبار
اليووووووووووم
11فبراير




الناس مصممة إن الريس يمشي
والريس راكب دماغه ومش عايز يمشي
طب الحل إيه ؟؟
يااااااااااااااااااااارب
يارب الطف بمصر
وتعلوووووووو وتنفجر أصوات الدعاء من كل مكان
حتي من قلب المدينة المنورة تدعو لمصر



[WMV]http://www.archive.org/download/doaa...0-00_01_37.mpg[/WMV]
[WMV]

[/WMV]



--------------

نعووووووود للميدان

وحالته مضطربه من بعد خطاب الرئيس ال3
,
هشام شغال ما شاء الله إسعافات للجرحى إلى هذه اللحظة وعمر وأحمد معاه وكوّنوا شلة كمان معاهم .

فبينما هم كذلك ..
يلاقوا شلة جايين جررررري على هشام
عشان عارفين إن هو دكتور
واشتهر خلاص في الميدان ,
الشلة دي شايلين واحد إصابته خطييييييييرة جداااااااااااا وبيودع
عايزين هشام يسعفه بسرعة

عمر يشيله معاهم بسرعة وينزله عشان يتعالج




وكااااااااااااااااااانت الصدمة الكبرى لعمر عندما نظر لوجه الجريح





مين الشخص دا ؟؟؟؟





مين ؟


















مين ؟؟؟







هو

اكتر واحد محبب إلى قلب عمر

أكتر واحد كان بيهزر معاه





أكتر واحد كان بيقعد معاه ويخرج معاه ويشيّت معاه





أكتر واحد كان بيقضي معاه وقته





صديق عمره






وهو






















طروووووووووووقة








عمر :طروووووووووووووووووووووووووقة , مالك ؟ مين اللي عمل فيك كدة رد عليا يا طااااااااااااااااااااااااااااااارق .

هشام : انت تعرفه يا عمر ؟
عمر : أعرفه ؟! دا صديق عمري يا هشاااااااااااااااااااااااااااام , دا اللي أنا كنت بحكيلك عنه دايما هو دااااااااااااااااااااا يا هشااااااااااااااااااااام , هو دا اللي كله دم دا , هشام خليه يعيش عشان خاطري اكشف عليه وخليه يعيييييييييييييييييش .

ولأول مرة عمر يبكي البكاء دا .
هشام : اهدي بس اهددددددددي يا عمر مش أنا اللي بإيدي حياته يا عمر ربنا سبحانه وتعالي , إن شاء الله هيبقي كويس , خده يا أحمد بعيد شوية وهدّيه .

عمر مش قادر

مش قادر يبطل بكاء
يروح بسرعة عنده
وهشام بيكشف عليه
وبيعمله الإسعافات اللازمة

ولكن

للأسف حالته خطيرة





الرصاص مزق أربطة القلب





وعمر ياخد طارق في حضنه :
طروووووووووووووووقة قوم يا بطل أنا عمر جمبك أنا عمر صديقك , قوم أنا جيت الميدان أهو زي ما وعدتك , قوم يا طارق مش انت بتحب مصر ؟ قوم وقولها إنك اضربت عشانها بس إوعى تموت يا طاااااااااااااارق قوم عشان خاطري .

وطارق يفتح عينه ويبتسم لعمر ويقول : أيوة يا عمر بحب مصر من كل قلبي بس بحب ربنا أكتر منها وبدعي ربنا قبل ما أموت إنه يغفرلي كل ذنوبي , واوعى يا عمر ترجع للي كنا بنعمله اوعى يا عمر عشان الموت قريب أوي أوي أوي يا عمر




ويبدأ يغيــــــــــب طارق

ويلفظ آخر كلماته
وهي

" أشهد أن لا إله الله محمد رسول الله "




ويموت طارق
وينفجر كل الواقفين في البكااااااااااااااااااااااااء
وعمر : لالالالالالالالالالالالالالالا طاااااااااااااااارق قوم يا طارق قوووووووم اوعي تموت .
هشام يخد عمر في حضنه وهو منهار : عمر اهدي يا حبيبي ومتقولش لالا قول إنا لله وإنا إليه راجعون .
عمر : أنا عايز طااااااااااااارق يا هشام أنا عايز طارق
دا كان صديق عمري اللي كنا علطول سوا أكتر اتنين

هشام : طارق دلوقت بإذن الله شهيد افرحله يا عمر إنه طلب من ربنا يغفرله قبل ما يموت وكمان مات مضروب دفاعا عن بلده والأعظم من كدة إنه نطق بالشهادتين ما أعظمها من موتة !!! ويبكي هشام
عمر :بكاااااااااااااااااااااااااااااااء


_ نشيد دم الشهيد رائع ومؤثر _

[FLV]


http://www.archive.org/download/doaa...amelsha7ed.flv

[/FLV]





عمر هدي شوية ولكنه لسه مفقش من الصدمة
يروح ناحية الناس اللي كانوا شايلين طارق ويسألهم : لو سمحتوا انتوا كنتوا مع طارق ولا شوفتوه قدراً ؟؟

أحد الناس : لا احنا كنا معاه من يوم جمعة الغضب .
عمر : طيب هو كان بيعمل إيه ؟؟
_ عمر نفسه يعرف لإنه حس إن طارق اتغير والموتة بتاعته كانت رائعة وكلامه مؤثر فهو مستغرب لإنه كان زييه بنفس معاصيه_ .
أحد الناس : طارق دا ربنا يبارك فيه كان بيحضر حلقات الشيوخ اللي كانوا بيعملوها في الميدان واتاثر جداا بها وبدأ يعمل خير ويصلي بالناس ويصحيهم للفجر ويمسك كتاب الأذكار ويقرأ ويخلي الناس تقرأ وراه , ربنا يرحمه يارب ويجعل قبره روضة من الجنة .


عمر : طااااااااااااااارق مماتش لالالالالالالالالالالالا مماتش ,
ويمشي ويسيبهم .










وإلى اللقاء مع الحلقة الحاسمة القادمة بإذن الله تعالي

وهي مساء يوم 11 فبراير
انتظرووووووووووونا
و

(( جوا الجوووووووووون يا شباب مصر ))

فاكهة الحلقة :
قصة حقيقة مؤثرة من ميدان التحرير يحكيها
الشيخ صفوت حجازي

السلام عليكم ورحمة الله وبركاته
قصة حقيقية من ميدان التحرير (لا تنس تسلم لي على سيدنا حمزة بن عبدالمطلب)

لا تنس تسلملى على سيدنا حمزة "
قصة حدثت للشيخ صفوت حجازى أثناء الثورة ، وحكاها فى جامعة الزقازيق ، وبكى وأبكى من فى القاعة ..
...
يقول أثناء أيام الرباط فى الميدان ، كان حياة كاملة هناك حتى أنه كان يبات فى مكان تحت كوبرى قصر النيل ، وكان أحد الناس معه يستحم فى النيل لما تشتد عليهم رائحة العرق ، وكانوا فى مواجهات دائمة من أول يوم من صدام الشرطة فى جمعة الغضب ثم القناصة بعدها ثم البلطجية ، وموقعة الجمل ، وضربهم بالأسلحة وتحمل المشاق .

كان الشيخ صفوت معه مجموعة 12 فردا ، وكان الشباب يخافون على الشيخ ولايريدونه فى المقدمة حتى لا يصاب بأى آذى ، ولكنه كان يأبى إلا يكون فى أول الصف ، وحتى واحد منم فى مرة أعطى له حلة طهى ليلبسها على رأسه ، وأخر أعطى له خوذة ليحمى رأسه ..

ويقول كنا فى ميدان عبدالمنعم رياض ذات مرة وكان معه شاب يدعى عبدالكريم من محافظة الشرقية ، وكان ملازم للشيخ وكان يحفظ 25 جزء من القرآن ، ووعد الشيخ أنه بعد الثورة سيتم حفظ ال5 أجزاء فى شهر ، ويأخذ إجازة منه ،

وأذن الفجر .. فكان الشيخ يقسمهم مجموعتين مجموعة تصلى ومجموعة تحرسهم ، ويتبادلوا ذلك كما فى حالة الحرب فى الاسلام ، أذن الشيخ صفوت لعبدالكريم أن يصلى بهم ، وبعد الصلاة جلس معه وسأله يا شيخ صفوت لو متنا نموت شهداء ؟؟؟؟

فذكر له الشيخ الحديث الصحيح ( سيد الشهداء حمزة ورجل قام إلى إمام جائر ، أمره ونهاه ، فقتله ) .

فقال الله والله إنى اشتقت أن أرى سيدنا حمزة ، بالله ياشيخ لو انت مت قبلى لا تنس تسلملى على سيدنا حمزة ، وأنا لو مت قبلك سأسلملك عليه .. وقال له بعد إذنك ياشيخ وعندما قام أصابته رصاصة على الفور فى رأسه فسقط عبدالكريم على الشيخ صفوت ميتا ، فيقسم الشيخ أنه مسح بيده دمه وكان أطيب من رائحة المسك ، ونادى الشيخ على " وليام " الشاب النصرانى الذى كان معهم ، فلما رأى وليام المنظر وشم الرائحة الذكية .. قال " أشهد أن لا إله إلا الله وأن محمدا رسول الله "

.. ، وبكى الشيخ وأبكى من فى القاعة لما قص القصة ، وقال أحسبه أنه سلملى على سيدنا حمزة .

ودمتم في حفظ الله والسلام عليكم ورحمة الله وبركاته

[هشام ممدوح]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

الله عليك الله عليك

[*المحبه لدين الله ورسوله*]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

جزاكن الله خيرا أخواتى إن أردتن أستطيع مساعدتكن فى النشر
ولكن هل تريدون روابط بعد نشر المسلسل ولن انشره الا بعد الانتهاء منه طبعا
استطيع ان أبدأ إن أردتن

[ahmadof]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

يا الله.. بارك الله فيك.. قصة رائعة.. بانتظار البقية..

وقصة الشيخ صفوت أروع..

اللهم ارزقنا الشهادة في سبيلك

[حور العين1996]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

وعليكم السلام ورحمة الله وبركاته
الصراحة المرة دى الحلقة صعبة جدااااااااا
وحسبنا الله ونعم الوكيل فى كل شخص اطلق على واحد رصاص
حسبنا الله ونعم الوكيل فيهم
______________________
بارك الله فيكم
وجزاكم الله خيرا على هذاالمسلسل الراااااائع
****************************************
اللهم صل على سيدنامحمدوعلى اله وصحبه وسلم.
سبحان الله العظيم وبحمده.

[محبة الإيمان]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

الحلقة دى مؤثرة جدا جدا
نسال الله ان يرحم شهداء الثورة وان يتغمدهم بواسع رحمته

جزاكم الله خيرا ونفع بكم
ومنتظرييييييين لحظة الحسم
11 فبراير
لحظة مولد مصر من جديد

[Dr.hala]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

لا اله الا الله

الحلقة مؤثرة جداااا جداااااااااااا

لقد بكيت منها واللهِ

بارك الله فيكم ونفع بكم وربنا يرحم كل شهدائنا

صحيح فعلا اللى راح الميدااااان عرف يعنى ايييييييييه ثورة مش زى اللى قعد فى بيته

الا ليتنا استطعنا ان نكوون مه هؤلاء الابطاااااااااال

[Dr.hala]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

معلش يا جماعة سؤال : فيه منتديات مش بتظهر فيها الصور و بتظهر على شكل روابط فقط

وده بيخلى شكل الموضوع وحش

نعمل اييه حتى تظهر الصور مباشرة ؟؟؟؟

[فاعل خير للجميع]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

جزاكم الله خيرا

[ahmadof]

رد: وبناءاً علي رغبة الشعب تم انطلاق { مسلــــ " جوا الجووون يا شباب مصـــر " ـــــسل .}...ابقوا معن

بس المهم انه انا كنت من العرفو ان (أحمد ) رح يسحب السيجارة. .. بدنا الجوائز..

أنا الجائزة تبعتي بدي حلقة جديدة من المسلسل